བར་བརྒལ་གྱི་དུས་རིམ།
ཧྭ་གོ་ཧྥིན། ༡༩༧༦ ལོའི་ཟླ་༤ ཚེས་༧ ཉིན། དབུས་ཆབ་སྲིད་ཅུས་ཀྱི་ཚོགས་འདུའི་སྟེང་ཧྭ་གོ་ཧྥིན་སྲིད་བློན་དུ་བསྐོས་པ་དང༌། མའོ་ཡི་འདོད་འདུན་ལྟར་ཏིན་ཞའོ་ཕིན་གྱི་དམར་ཤོག་ཚོགས་མིའི་ཐོབ་ཐང་གཅིག་པུ་རང་སོར་བཞག་སྟེ་གོ་གནས་ཡོངས་རྫོགས་མེད་པར་བཟོས། ཟླ་༩ ཚེས་༩ ཉིན་མའོ་ཙེ་ཏུང་དབུགས་ཀྱི་རྒྱུ་བ་ཆད།@ མའོ་ཤི་ཁར་ཧྭ་གོ་ཧྥིན་ལ་" སྔོན་མའི་བྱེད་སྟངས་ལྟར་གྱིས་" ཞེས་ཁ་ཆེམས་བཞག་པ་དང༌། དེ་སྔ་" ཁྱོད་ཀྱིས་བྱ་བ་བསྒྲུབས་ན་ངའི་སེམས་བདེ་" ཞེས་བརྗོད་པའི་" ཆེས་མཐོའི་མཛུབ་སྟོན་" འདི་འཕྱར་ནས་དབུས་གཞུང་གི་དབང་ཆ་བདག་གིར་བཟུང༌།
༡༩༦༩ ལོའི་ཟླ་༤ ནས་༡༩༧༣ ལོའི་ཟླ་༨ བར་རྒྱ་ནག་དམར་ཤོག་ཚོགས་པའི་ཚོགས་ཆེན་དགུ་བ་ནས་བཅུ་བ་ཚུགས་པའི་དུས་རིམ་འདིའི་ནང༌།6 ཚོགས་ཆེན་དགུ་བའི་ཏང་གི་སྒྲིག་གཞིར་" བློ་མཐུན་ལིན་པེའོ་ནི་བློ་མཐུན་མའོ་ཙེ་ཏུང་གི་སྙིང་ཉེ་བའི་འཐབ་གྲོགས་དང་ཤུལ་རྒྱུན་སྐྱོང་མཁན་ཡིན་" ཞེས་གཏན་འབེབས་བྱས་པ་ནས། ༡༩༧༡ ལོར་མའོ་གསོད་རྩིས་ཀྱི་ལྐོག་འཆར་ཕྱི་གྱར་གྱིས་སྲོག་མགོ་མ་ཐོན་པ་དང༌། དེར་མཐུད། ཀྲོའུ་ཨིན་ལེ་ཡིས་གཙོ་སྐྱོང་འོག་ཆབ་སྲིད་དང་དཔལ་འབྱོར། ཕྱི་འབྲེལ་སོགས་གྲུབ་འབྲས་ཅུང་མངོན་སྐབས། ཅང་ཆིན་སོགས་ཀྱིས་ཀྲོའུ་ལ་སྐྱོན་འདོགས་བྱེད་ཤུགས་ཆེ་རུ་བཏང་བ་དང༌། མའོ་ཡང་ནག་མོའི་ཁ་དབང་དུ་སོང་སྟེ། གཡོན་ཐལ་གྱི་སྲིད་ཇུས་མུ་མཐུད་ལག་བསྟར་བྱས།
གསུམ་ " སྤྱི་ཚོགས་རིང་ལུགས་ཀྱི་སྤྱིའི་ལམ་ཕྱོགས་ འཛུགས་སྐྲུན " ། " བཟོ་ཞིང་ཐོན་སྐྱེད་ " " མཆོངས་བསྐྱོད་ཆེན་མོ " ། " མི་དམངས་ཀུང་ཧྲེ " །ཡི་ལས་འགུལ་བསླངས། སྤྱི་ཚོགས་རིང་ལུགས་ཀྱི་སྤྱིའི་ལམ་ཕྱོགས་འཛུགས་སྐྲུན་ནི་མའོ་ཡིས་གྲོས་མགོ་ བཏོན་པ་ལྟར། ཀྲུང་གུང་སྐབས་བརྒྱད་པའི་ཚོགས་འདུ་ཐེངས་གཉིས་པའི་སྟེང་གྲོས་འཆམ་བྱུང་བ་ཞིག་ ཡིན་པ་དང༌། " ད་ལྟའི་ཆར་ཏང་གི་ལས་འགན་གཙོ་བོ་ནི་སྤྱི་ཚོགས་རིང་ལུགས་འཛུགས་སྐྲུན་ཡིན་ " ཞེས་ཆབ་སྲིད་ལས་བསྡོམས་སུ་བཀོད་ཡོད་ཀྱང༌། དེའི་རྗེས་ཀྱི་དྲིལ་བསྒྲགས་ཡིག་ཆའི་ནང་ " མགྱོགས་ཚད་ནི་སྤྱིའི་ལམ་ཕྱོགས་ཀྱི་ བླ་སྲོག་ཡིན་ " ཞེས་འུད་སྒྲོགས་བྱས། ཟླ་༨ པའི་པེ་ཏའེ་ཧོས་རྒྱས་འཛོམས་ཚོགས་འདུའི་སྟེང་བཟོ་ལས་དང་ཞིང་ལས་ཐོན་སྐྱེད་ ཀྱི་དམིགས་ཚད་མཐོ་བོ་སྐོར་ཞིག་གཏན་འབེབས་བྱས་ཏེ། དུས་ཐུང་ནང་ཐོན་འབབ་གང་མགྱོགས་མཐོར་འདེགས་གཏོང་རྒྱུའི་རེ་བ་བཅངས་ཏེ།
